ފުރިހަމަ އަންދާސީ ހިސާބެއް ހަދައިގެން ކުރިއަށް ގެންދާ މަސައްކަތް ތައް ކުރުމުގައި އެފަދަ އަންދާސީ ހިސާބެއް ނުހަދާ ކުރުމާ ވަރަށް ބޮޑަށް ފަސޭހަވެއެވެ. އެފަދަ ބައެއް ކަންތައްތައް ފާހަގަ ކޮއްލާނަމެވެ.
- މަސައްކަތް ކުރުމަށް ހިނގާނެ ޚަރަދު އެގުމުން އެމަސައްކަތުގެ ވެރިފަރާތުން އެކަމަށް ކަނޑައަޅަންޖެހޭ ބަޖެޓު ނުވަތަ ފައިސާ ސާފުވެގެން ދެއެވެ.
- މަސައްކަތަށް ބޭނުންވާނެ ތަކެތި އަންދާސީކުރެވުމުން އެތަކެތި ބޭނުންވާވަރަށް ގަންނާނެގޮތް ފަސޭހަވުމާއި މަސައްކަތްމެދުނުކެޑި ކުރިއަށް ދާގޮތްވެއެވެ.
- މަސައްކަތް ހިންގުމުގަޔާއި މަސައްކަތް ކުރުމުގައި ބޭނުންވާނެ މަސައްކަތްތެރިންގެ އަދަދާއި ބޭނުންވާނެ ހުނަރު ދެނެގަތުމަށް އެހީތެރިވެދެއެވެ.
- މަސައްކަތްކުރުމަށް ބޭނުންވާނެ ސާމާނާއި އާލާތްތައް ދެނެގަނެވި، ބޭނުންވާނެ އާލާތުގެ އަދަދު އެނގި، އެއީ މަސައްކަތާހަވާލުވިފަރާތުން ނުގެންގުޅޭ އެއްޗެއްކަމުގައިވާނަމަ، އެފަދަ ސާމާނުގަތުމާއި، ނުވަތަ ކުއްޔަށް ހޯދުމުގެ ރޭވުންތައް ރޭވޭނެގޮތް ފަސޭހަވެގެންދެއެވެ.
- މަސައްކަތް ނިމޭނެ ދުވަހެއް، މަސައްކަތަށް ނަގާނެ މުއްދަތުހޯދުމަށް މަގުފަހިވެގެންދެއެވެ.
- މަސައްކަތުގެ ތަފްސީލު ތާވަލެއް ތައްޔާރުކޮށް މަސައްކަތުގެ ތެރޭގައި ހިމެނޭ ޚާއްސަ މަސައްކަތްތައް ދެނެގަނެވި، އެމަސައްކަތަށް ތައްޔާރުވުމުގެ ގޮތުން ކުރަންޖެހޭ ކަންކަން ކުރުމަށް ފަސޭހަވެގެންދެއެވެ.
- އެ މަސައްކަތަކީ ބޭންކުން ލޯނު ނަގައިގެން ކުރާ މަސައްކަތެއްކަމުގައިވާނަމަ، އެމަސައްކަތަށް ދާނެޚަރަދު އެނގި އެމަސައްކަތް ނިމުމުން ހާސިލުވާ އިމާރާތް ނުވަތަ ތަނުން ލިބޭނޭ އާމްދަނީ އާ ހިނގާނެކަމަށް އަންދާސީކުރާ ޚަރަދާ އަޅުވާބަލައި، ފައިދާވާނެ މިންވަރު ދެނެގަނެވެއެވެ.
- އިމާރާތްކުރުމަށް އަގުހޯދުމަށްބިޑު ނުވަތަ ޓެންޑަރ ކުރާނަމަ އެކަމަށް ފަސޭހަވެގެންދެއެވެ.
- ކޮށްފައި ނިމިފައި ހުރި އިމާރާތެއްގެ އަންދާސީ ހިސާބެއްހަދައިގެން އެ އިމާރާތުގެ އަގު ނުވަތަ އިމާރާތުގެ ވެލިއު އަކީ ކޮބާތޯ ބެލެއެވެ.
