ބިމުގައި ވެލިހުންނައިރު އެހުންނަނީ އެކިއެކި ސަބަބު ތަކާހުރެ ހަރުވެފައެވެ. ވެހޭވާރޭ ހިނދިގެންދާ ދިއުމުންނާއި، ބިންމަތީގައި ބަހައްޓާ ބަރު އެއްޗެތީގެ ސަބަބުންނާއި، އަދި ހިނގާބިނގާވާ މީހުނާއި ދުއްވާ އެއްޗެތީގެ ސަބަބުން ބިންގަނޑު ހުންނަނީ ހަރުވެފައެވެ. ބިން ކޮނުނީމަ ވެލިގަނޑު ދޫވެ ނެގޭ ވެލީގެ ކޮޑި އިތުރުވެއެވެ. އެ އިތުރުވާ ވަރަކީ ބައެއްފަހަރު ވަރަށް ރަނގަޅަށް ހިސާބުކުރަންޖެހޭ އެއްޗެކެވެ. އަދި އެ ނަގާ ވެލި އެއްތަނުން އަނެއްތަނަށް އުފުލަން ޖެހޭކަމަށް ވާނަމަ އިތުރުވާ ބަޔަކީ މުހިއްމު ބަކެއެވެ. އެކިވެލި އިތުރުވަނީ އެކި ވަރަށެވެ. އަޅުގަނޑުމެންނަށް ފެނުނުގޮތުގައި ދިވެހިރާއްޖޭގެ ބިމުގެ ވެލި އިތުރުވަނީ ގާތްގަނޑަކަށް 15 އާއި 20 ޕަސެންޓުގެ އަދަދަކަށެވެ.
މާލޭ ސަރަހައްދުގައި ބިންކޮނެގެން ނަގާވެލި އުކާލެވެނީ އެކަމަށް ފައިސާ ޚަރަދު ކޮށްގެންނެވެ. ފައިސާ ދައްކަން ޖެހެނީ އުކާލެވޭ ކޮންމެ ލޮރީއަކަށެވެ. އެހެން ކަމަށް ވާނަމަ ބިމުގެ ކޮޑި ހޯދާއިރު މިދެންނެވި ވަރަށް އިތުރުކުރުމުން ފުދޭނެއެވެ.
